ඇසෝසියේටඩ් මෝටර් ෆිනෑන්ස් කම්පැනි පීඑල්සී
අපගේ ඉතිහාසය
ඇසෝසියේටඩ් මෝටර් ෆිනෑන්ස් කම්පනි පීඑල්සී (AMF) සහ ආර්පිකෝ ෆිනෑන්ස් කම්පනි පීඑල්සී (AFC) වශයෙන් ඉමහත් ගෞරවයට පාත්‍ර වූ ශ්‍රී ලංකාවේ පැරණිතම මූල්‍ය ආයතන දෙකක් 2021 අප්‍රේල් මස 01 වැනි දින නිල වශයෙන් එක් ආයතනයක් ලෙසට ඒකාබද්ධ කෙරිණ.
විශාල පරාසයකින් යුත් මූල්‍ය විසඳුම් ඉදිපත් කිරීමෙහි ලා සාඩම්බරයෙන් යුත් දීර්ඝ ඉතිහාසයක් 1951 වර්ෂයේ ආරම්භ කරන ලද ආර්පිකෝ ෆිනෑන්ස් කම්පනි පීඑල්සී සතුව ඇත. ඒ හා සමාන සාඩම්බර ඉතිහාසයක් සහිත ඇසෝසියේටඩ් මෝටර් ෆිනෑන්ස් කම්පනි පීඑල්සී ආරම්භ කරන ලද්දේ 1962 වර්ෂයේ දී ය. ශක්තිමත් ආයතන දෙකක එකතුව හරහා කාර්යක්ෂමතාව හා ඵලදායී බව වඩාත් ඉහළ මට්ටමකට ගෙනඒමට අපේක්ෂිත ය. එකී ඒකබද්ධතාව හරහා මූල්‍ය සේවා කර්මාන්තය තුළ උසස් ස්ථානයක් හිමිකරගැනීමේ පැහැදිලි දැක්මත් සහිත මෙම ආයතනය ශ්‍රී ලංකාවේ බලපත්‍රලාභි මූල්‍ය ආයතන දැවැන්තයන් අතරින් එකක් බවට පත්වනු ඇත.
ඒකාබද්ධ කිරීමේ දිනය: අප්‍රේල් 2021
වසර 2019 දී ගිවිසුම්ගත කරගත් පරිදි, AMF ආයතනය විසින් ආර්පිකෝ ෆිනෑන්ස් ආයතනය 2021 අප්‍රේල් මස මුලුමනින්ම පවරාලනු ලැබිණ. AMF ඒකාබද්ධ ආයතනය ලෙසින් නව උද්යෝගයකින් සහ ශක්තියකින් ඉදිරියට ගමන් කිරීම අපගේ අභිලාෂයයි.
අපගේ විකාශය
ඇසෝසියේටඩ් මෝටර් ෆිනෑන්ස් කම්පැනි පීඑල්සී
පුරා දශක හයකට ආසන්න කාලයක් අප ආයතනය පාරිභෝගික තෘප්තිය උදෙසා කැපවී සිටින බව පවසන්නේ ආඩම්බරයෙනි. අපගේ ප්‍රෞඩ ඉතිහාසය සහ දිවයින පුරා පිහිටා ඇති ශාඛා ජාලයේ අත්දැකීම් සමගින් ලීසිං, කුලී සින්නක්කර, ස්ථාවර තැන්පතු, ඉතුරුම් සහ ස්ලාමීය පහසුකම් දක්වා ඔබගේ පෞද්ගලික සහ ව්‍යාපාරික අවශ්‍යතා සපුරාලන පුළුල් මූල්‍ය සේවාවන් රැසැක් සැපයීමට අපට සහය විය හැක.