ඇසෝසියේටඩ් මෝටර් ෆිනෑන්ස් කම්පැනි පීඑල්සී
ආයතනික කළමනාකරණය
චන්ද්‍රින් ප්‍රනාන්දු
නියෝජ්‍ය ප්‍රධාන විධායක නිලධාරී
චන්ද්‍රින් ප්‍රනාන්දු, ආර්පිකෝ ෆිනෑන්ස් සමාගමේ හිටපු ප්‍රධාන විධායක නිලධාරියා වන අතර, එක්සත් රාජධානියේ වරලත් කළමනාකරණ ගණකාධිකාරී ආයතනයේ (CIMA) සාමාජිකයෙකු ද වේ. එමෙන්ම ඔහු එක්සත් රාජධානියේ වරලත් ගෝලීය කළමනාකරණ ගණකාධිකාරී ආයතනයේ සාමාජිකත්වය දරන අතර එක්සත් රාජධානියේ වරලත් සහතිකලත් ගණකාධිකාරීවරුන්ගේ ද සාමාජිකයෙකි. තවද, ඔහු එක්සත් රාජධානියේ වරලත් අලෙවිකරණ ආයතනයෙන් සහකාර සාමාජිකත්වයක් දරන වරලත් අලෙවිකරුවෙකි. ඔහු ශ්‍රී ජයවර්ධනපුර විශ්ව විද්‍යාලයෙන් ව්‍යාපාර පරිපාලනය පිළිබඳ (විශේෂ) උපාධියක් ලබා ඇති අතර, එක්සත් රාජධානියේ කාඩිෆ් මෙට්‍රොපොලිටන් විශ්ව විද්‍යාලයෙන් දෙවන ඉහළ පෙළේ ගෞරව උපාධියක් සහ MBA උපාධියක් ද ලබා ඇත. චන්ද්‍රින්, 2014 වර්ෂයේදී වරලත් කළමනාකරණ ගණකාධිකාරී ආයතනයේ (CIMA) ශ්‍රී ලංකා මණ්ඩලයේ සේවය කළේය. එම ආයතනයේ ශ්‍රී ලංකා අංශයේ අධ්‍යක්ෂවරයෙකු ලෙස සේවය කරන අතරතුර ඔහු එම ආයතනය හා සම්බන්ධ විවිධ තනතුරු හොබවා ඇත. CIMA ලන්ඩන් කවුන්සිලයට වාර්තා කරන ‘ගෝලීය වෙළඳපොළ කමිටුවේ’ සාමාජිකයෙකු ලෙස ඔහු ඉමහත් සේවාවක් සිදුකර ඇත. මැදපෙරදිග, දකුණු ආසියාව සහ උතුරු අප්‍රිකාව ඇතුළු රටවල් 28 ක් ආවරණය කරන AICPA හි MESANA කලාපයේ හිටපු සභාපති සහ උප සභාපති ද ලෙස ඔහු කටයුතු කර ඇත. චන්ද්‍රින්, බැංකු නොවන මූල්‍ය සේවා කර්මාන්තයේ පුළුල් අත්දැකීම් ඇති අතර වසර 25 කට වැඩි වෘත්තීය පළපුරුද්දක් ඇති මූල්‍ය ක්ෂේත්‍රයේ දැවැන්තයෙකි. ඔහු මූල්‍ය, අලෙවිකරණය, වෙළඳාම, ඉදිකිරීම්, දේපළ වෙළඳාම් සහ වැවිලි යන ක්ෂේත්‍ර පිළිබඳ මනා දැනුමකින් පරිපූර්ණ වන අතර එක්සත් රාජධානියේ බෙඩ්ෆර්ඩ්ෂයර් විශ්ව විද්‍යාලයේ SLIIT හි කථිකාචාර්යවරයෙක් ලෙසද කටයුතු කරයි.
ගීතිකා වික්‍රමසිංහ
ජ්‍යෙෂ්ඨ නියෝජ්‍ය සාමාන්‍යාධිකාරී - ස්ථාවර තැන්පතු මෙහෙයුම් සහ අලෙවිකරණ
බැංකු හා මූල්‍ය අංශයේ වසර 35 කට වැඩි පළපුරුද්දක් ඇති ගීතිකා, සෙලාන් බැංකුවේ ශාඛා මෙහෙයුම් සහ ණය අංශයේ කළමනාකරු ලෙස සහ යූනියන් බැංකුවේ ශාඛා කළමනාකරු ලෙස සේවය කර ඇත. තවද, ගීතිකා යූබී ෆිනෑන්ස් සමාගම පීඑල්සී හි තැන්පතු සහ ණය පිළිබඳ සහකාර සාමාන්‍යාධිකාරී ලෙස ද ඔරියන්ට් ෆිනෑන්ස් පීඑල්සී හි ස්ථාවර තැන්පතු මෙහෙයුම් සාමාන්‍යාධිකාරී ලෙස ද සේවය කර ඇත. ඇය දැනට ඇසෝසියේටඩ් මෝටර් ෆිනෑන්ස් සමාගම පීඑල්සී හි ස්ථාවර තැන්පතු මෙහෙයුම් සහ අලෙවිකරණ ජ්‍යෙෂ්ඨ නියෝජ්‍ය සාමාන්‍යාධිකාරී ලෙස සේවය කරයි. ගීතිකා කොළඹ විශ්ව විද්‍යාලයේ සහ ඇමරිකානු සිටී විශ්ව විද්‍යාලයේ ද්විත්ව ශාස්ත්‍රපති උපාධිධාරිනියක් ද වේ. ඇය එක්සත් රාජධානියේ මැන්චෙස්ටර් විශ්ව විද්‍යාලයෙන් ජාත්‍යන්තර අනුකූලතා සංගමය විසින් පිරිනමන ලද මුදල් විශුද්ධිකරණය වැළැක්වීම (කුසලතා) සහ අනුකූලතාව පිළිබඳ ජාත්‍යන්තර ඩිප්ලෝමා දෙකක් ලබාගෙන ඇත. ගීතිකා මහත්මිය ශ්‍රී ලංකා බැංකුකරුවන්ගේ ආයතනයේ ඩිප්ලෝමාධාරිණියක් වන අතර කොළඹ විශ්ව විද්‍යාලයෙන් ග්‍රැෆික් නිර්මාණ සහ නිර්මාණශීලීත්වය සංවර්ධනය සම්බන්ධව සහතිකපත්‍ර පාඨමාලාවක් ද හදාරා ඇත.
වජිර පණ්ඩිතරත්න
නියෝජ්‍ය සාමාන්‍යාධිකාරී - අයකරගැනීම් හා මෙහෙයුම්
ශ්‍රී ජයවර්ධනපුර විශ්ව විද්‍යාලයේ ලේඛකත්ව හා සංනිවේදන ඩිප්ලෝමාලාභියෙකු වන වජිර, මනෝවිද්‍යාව හා උපදේශණය පිළිබඳව ද ඩිප්ලෝමාවක් ලබා ඇත. ඔහු ශ්‍රී ලංකා අලෙවිකරුවන්ගේ සංගමයේ අලෙවිකරණය පිළිබඳව සහතික පත්‍ර පාඨමාලාවක් සාර්ථකව සම්පූර්ණ කර ඇත. ඔහු සතුව මූල්‍ය ක්ෂේත්‍රෙය් වසර 21 කට වඩා වැඩි පළපුරුද්දක් සහ ජන මාධ්‍ය හා සනිනිවේදන ක්ෂේත්‍රෙය් වසර 10ක පළපුරුද්දක් ඇත. මෙම කාලයෙන් වසර 12 ක් කළමණාකාර ශ්‍රේණියේ තනතුරු හොබවා ඇත.
ශාන්ත ගුණසේකර
ජ්‍යෙෂ්ඨ සහකාර සාමාන්‍යාධිකාරී - අලෙවිකරණය
ගුණසේකර, විද්‍යාවේදී කළමනාකරණ (පොදු) සාමාන්‍ය (බාහිර) උපාධියක්සහ ආසියානු ලංකා වෘත්තීය අධ්‍යාපන පීඨයෙන් අලෙවිකරණය පිළිබඳ ඩිප්ලෝමාවක්ලබාගෙන ඇති අතර වෘත්තීය ගිණුම්කරණ පුහුණු ආයතනයෙන් ප්‍රායෝගික ගිණුම්කරණය පිළිබඳ උසස් ඩිප්ලෝමාවක් හදාරා ඇත. ඔහු ශ්‍රී ලංකා ගිණුම්කරණ කාර්මික ශිල්පීන්ගේ සංගමයේ (ශ්‍රී ජයවර්ධනපුර විශ්ව විද්‍යාලයේ) සුදුසුකම් ලත් සාමාජිකයෙකු ද වන අතර ශ්‍රී ලංකා බැංකුකරුවන්ගේ ආයතනයෙහි ක්ෂුද්‍ර මූල්‍ය පිළිබඳ ඩිප්ලෝමාධාරියෙකු ද වේ.ඔහුට මූල්‍ය ක්ෂේත්‍රයේ වසර 30 ක පළපුරුද්දක් ඇති අතර, ඉන් වසර 19 ක් කළමනාකරණ තනතුරු දරා ඇත.
චමිලා හේරත්
සහකාර සාමාන්‍යාධිකාරී - සමාගම් ලේකම් / නීති
චමිලා, නීතිඥවරියක්, මහජන නොතාරිස්වරියක්, දිවුරුම් කොමසාරිස්වරියක් සහ ලියාපදිංචි සමාගම් ලේකම්වරියක් ලෙස කටයුතු කරයි. ඇය ශ්‍රී ලංකාවේ උසස් නීති අධ්‍යයන ආයතනය විසින් පවත්වනු ලබන මූල්‍ය බැංකුකරණය සහ රක්ෂණ නීතිය පිළිබඳ උසස් ඩිප්ලෝමාව හදාරා ඇත. එමෙන්ම ඇය මූල්‍ය අංශයේ නීතිඥවරියක් ලෙස වසර විසි හතකට වඩා වැඩි කාලයක් කටයුතුකර ඇත. චමිලා, පාලිත මැතිව් සහ සමාගමෙන් තම වෘත්තීය ජීවිතය ආරම්භ කර ඇති අතර පසුව මර්කන්ටයිල් ක්‍රෙඩිට් ලිමිටඩ් හි සේවය කර ඇත. 1999 වර්ෂයේ දී නීති නිලධාරිනියක් ලෙස ආපිකෝ ෆිනෑන්ස් සමාගමට සම්බන්ධ වූ ඇය, 2014 අප්‍රේල් මාසයේදී ජ්‍යෙෂ්ඨ කළමනාකරු – නීති ලෙස උසස් කරන ලදී. වර්තමානයේ දී ඇය ඇසෝසියේටඩ් මෝටර් ෆිනෑන්ස් කම්පැනි පීඑල්සී හි සහකාර සාමාන්‍යාධිකාරී – සමාගම් ලේකම් / නීති ලෙස සේවය කරයි.
ශෂිමා පීරිස්
සහකාර සාමාන්‍යාධිකාරී - අවදානම්
ශෂිමා පීරිස් මහා බ්‍රිතාන්‍යහි වරලත් කළමනාකරණ ගණකාධිකාරී ආයතනයේ සහ මහා බ්‍රිතාන්‍යහි හි වරලත් ගෝලීය කළමනාකරණ ගණකාධිකාරී ආයතනයේ සහකාර සාමාජිකාවකි.ඇය ඇමරිකා එක්සත් ජනපදයේ රොචෙස්ටර් තාක්ෂණ ආයතනයෙන් සංඛ්‍යාලේඛන පිළිබඳ බාලාංශ උපාධියක් සමඟ ව්‍යවහාරික ගණිතය පිළිබඳ විද්‍යාවේදී උපාධියක් සහ මහා බ්‍රිතාන්‍යහි වරලත් සුරැකුම්පත් සහ ආයෝජන ආයතනය විසින් පිරිනමනු ලබන ධනය සහ ආයෝජන කළමනාකරණය පිළිබඳ සහතිකයක් ද ලබා ඇත. ඇයට බැංකු නොවන මූල්‍ය අංශයේ වසර 9 කට වැඩි පළපුරුද්දක් ඇත.දැනට ඇය ඇසෝසියේටඩ් මෝටර් ෆිනෑන්ස් කම්පැනි පීඑල්සී හි සහකාර සාමාන්‍යාධිකාරී – මූල්‍ය සහ උපායමාර්ගික සැලසුම් ලෙස සේවය කරයි.